முதற்பக்கம் » பிரிவுகள் » எம்.ஜி.ஆர். அரசு திரைப்படம் மற்றும் தொலைக்காட்சிப் பயிற்சி நிறுவனம்

"பயிற்சிதான் மனிதனை பக்குவப்படுத்தும். எந்தத் துறையாக இருந்தாலும் அதில் பயிற்சி பெற்றால்தான் ஒருவர் தன்னுடைய பணியைத் திறமையாகவும் செம்மையாகவும் செய்ய இயலும்"

செல்வி ஜெ ஜெயலலிதா
மாண்புமிகு தமிழக முதலமைச்சர்
எம்.ஜி.ஆர். அரசு திரைப்படம் மற்றும் தொலைக்காட்சிப் பயிற்சி நிறுவனம்

எம்.ஜி.ஆர். அரசு திரைப்படம் மற்றும் தொலைக்காட்சி பயிற்சி நிறுவனம் திரைப்படத் தயாரிப்பு, தொழில்நுட்ப கல்வி நுணுக்கங்களையும், கலை உணர்வுகளையும் பயிற்றுவிக்கும் முன்னோடி நிறுவனம் ஆகும். இந்நிறுவனத்தின் முக்கியக் குறிக்கோள் பல்வேறு விதமான திரைப்படங்கள் மற்றும் தொலைக்காட்சி நிகழ்ச்சிகள் தயாரிப்பதற்குத் தேவையான தொழில்நுட்பங்களையும் பிற திரைப்படத் துணைப்பாடங்களையும் மாணவர்களுக்குக் கற்றுத்தருவதாகும்.

இந்தியாவில் உள்ள திரைப்படம் மற்றும் தொலைக்காட்சி தொழில்நுட்பப் பயிற்சி தரும் மூன்று நிறுவனங்களில் தமிழக அரசின் செய்தி மக்கள் தொடர்புத் துறை கட்டுப்பாட்டின் கீழ் இயங்கும் எம்.ஜி.ஆர். அரசு திரைப்படம் மற்றும் தொலைக்காட்சி பயிற்சி நிறுவனமும் ஒன்றாகும். மற்றவை பூனாவில் உள்ள திரைப்படம் மற்றும் தொலைக்காட்சி தொழில்நுட்பப் பயிற்சி நிறுவனமும், கொல்கத்தாவில் உள்ள சத்தியஜித்ரே திரைப்படம் மற்றும் தொலைக்காட்சி பயிற்சி நிறுவனமும் ஆகும்.

எம்.ஜி.ஆர்.அரசு திரைப்படம் மற்றும் தொலைக்காட்சி பயிற்சி நிறுவனத்தில் மட்டுமே நான்காண்டு கால பட்டப்படிப்பு பயிற்றுவிக்கப்பட்டு வருகிறது.

இளங்கலை காட்சிக்கலை பட்டப் படிப்புகள்

இந்நிறுவனத்தில் கீழ்க்கண்ட பிரிவுகளில் இளங்கலை காட்சிக்கலை (Bachelor of Visual Arts) நான்காண்டு பட்டப்படிப்புகள் பயிற்றுவிக்கப்பட்டு வருகிறது.

  • ஒளிப்பதிவு
  • எண்மிய இடைநிலை
  • ஒலிப்பதிவு
  • இயக்குதல் மற்றும் திரைக்கதை எழுதுதல்
  • படத்தொகுப்பு
  • உயிர்ப்பூட்டல் மற்றும் காட்சிப்பயன்

அனைத்து பட்டப்படிப்புகள் தமிழ்நாடு இசை மற்றும் கவின்கலை பல்கலைகழகத்துடன் இணைக்கப்பட்டுள்ளது.

ஒவ்வொரு பிரிவிலும் 14 மாணவர்கள் சேர்க்கப்படுகிறார்கள்.

மாணவர் சேர்க்கை அறிவிப்பு ஒவ்வொரு கல்வி ஆண்டிலும் மே திங்களில் முதன்மை ஆங்கிலம் மற்றும் தமிழ் நாளிதழ்களில் விளம்பரம் செய்யப்பட்டுகிறது. கல்விக் கட்டணமாக ரூ.15,000/-மும், சிறப்புக் கட்டணமாக ரூ.2,000/-மும், வளர்ச்சிக் கட்டணமாக ரூ.1,000/-மும் வசூலிக்கப்படுகிறது. தாழ்த்தப்பட்ட மற்றும் பழங்குடியினர் இனத்தைச் சேர்ந்த மாணவர்களுக்கு கல்விக் கட்டணம் முற்றிலுமாக விலக்களிக்கப்பட்டுள்ளது.

குறும்பட விருது

“எம்.ஜி.ஆர். அரசு திரைப்படம் மற்றும் தொலைக்காட்சி பயிற்சி நிறுவன மாணவர்களுக்கு குறும்பட விருது” என்ற பெயரில் இந்நிறுவன மாணவர்கள் தயாரிக்கும் பட்டயப் குறும்படங்களின் சிறந்த இயக்குநர், சிறந்த ஒளிப்பதிவாளர், சிறந்த ஒலிப்பதிவாளர், சிறந்த படத்தொகுப்பாளர் மற்றும் சிறந்த டிஜிட்டல் இன்டெர்மீடியெட் ஆகியோருக்கு தலா ஒரு பவுன் தங்கப்பதக்கம் மற்றும் ரூ.5000/- ரொக்கம் மற்றும் நினைவுக் கேடயம் வழங்கி வருகிறது.

நவீன தொழில்நுட்ப கருவிகளில் பயிற்சி

வருடந்தோறும் மாணவர்களின் பட்டயக் குறும்படங்களுக்காகவும் மற்றும் செயல்முறை பயிற்சிகாகவும் தற்போது வளர்ந்து வரும் தொழில்நுட்பத்திற்கேற்ப திரைத்துறைக்கு இணையாக நவீன தொழில்நுட்பக் கருவிகளை வாடகை அடிப்படையில் எடுத்து மாணவர்களுக்கு பயிற்சி அளிக்க ரூ.75 இலட்சம் அரசிடமிருந்து பெறப்பட்டு பயிற்சி வழங்கப்பட்டு வருகிறது.

மாணவர் சேர்க்கை தகவல் தொகுப்பேடு 2017-2018

APPLICATION FORM FOR ADMISSION TO THE DEGREE COURSE 2017-2018

   செய்திகள்

மேலும் »

ஊடகங்கள்
துறை
ஆவணங்கள்
முதற்பக்கம்| உங்கள் கருத்து | தொடர்பு கொள்ள | தள வரைபடம் | வரைபடம்
மேலே
© 2012 இயக்குநர், செய்தி மக்கள் தொடர்பு மற்றும் அலுவலால் அரசுத் துணைச் செயலாளர், தலைமைச் செயலகம், புனித ஜார்ஜ் கோட்டை, சென்னை-600 009, தமிழ்நாடு, இந்தியா.
தொழில்நுட்பம்: சாப்ட் சோர்ஸ் டெக்னாலஜிஸ்