.:: Information and Public Relations Department ::.

English Version

முதற்பக்கம் » பிரிவுகள் » நினைவகங்கள் » நடைபெற்று வரும் பணிகள்

நடைபெற்று வரும் பணிகள்

சென்னை, கிண்டியிலுள்ள காந்தி மண்டப வளாகத்தை ரூ.11.62 கோடி மதிப்பீட்டில் புதுப் பொலிவுடன் புனரமைத்திட பணிகள் நடைபெற்று வருகின்றன.
தஞ்சாவூர் மாவட்டம், கும்பகோணம் மகாமகம் கலையரங்கத்திற்கும், புதியதாக அமைக்கப்பட்டு வரும் எட்டு மணிமண்டபங்களுக்கும் பணியிடங்கள் தோற்றுவிக்கப்பட்டு அவற்றை நிரப்ப நடவடிக்கை எடுக்கப்பட்டுள்ளது
சிந்தனை சிற்பி சிங்காரவேலர் அவர்களுக்கும், சுயமரியாதைச் சுடரொளி ஜீவரத்தினம் அவர்களுக்கும், ரூ.2.38 கோடி மதிப்பீட்டில் சென்னையில் மணிமண்டபங்கள் அமைத்திட பூர்வாங்கப் பணிகள் மேற்கொள்ளப்பட்டுள்ளன
குமரி மாவட்டம் தமிழ்நாட்டோடு இணைய, போராட்டம் நடத்திய தியாகி சிதம்பரநாதன் அவர்களுக்கு, களியக்காவிளையில் ரூ. 8.50 லட்சம் மதிப்பீட்டில் திருவுருவச்சிலை அமைத்திட பணிகள் நடைபெற்று வருகிறது.
இந்தித்திணிப்பை எதிர்த்துப் போராடி உயிர் நீத்த மொழிப்போர் தியாகி கீழப்பழுவூர் சின்னச்சாமி அவர்களின் நினைவைப் போற்றும் வகையில் திருச்சிராப்பள்ளியில் ரூ.8.79 லட்சம் மதிப்பீட்டில் திருவுருவச்சிலை அமைக்கும் பணி நடைபெற்று வருகிறது.
சென்னையில் உள்ள காமராஜர் நினைவு இல்லம் மற்றும் கன்னியாகுமரியில் உள்ள காமராஜர் மணிமண்டபம் ஆகியவை ரூ.62 லட்சம் மதிப்பீட்டில் புதுப்பிக்க பணிகள் நடைபெற்று வருகின்றன
வீரமங்கை வேலு நாச்சியார் அவர்களுக்கு சிவகங்கையில் ரூ.60 லட்சம் மதிப்பீட்டில் நினைவுச் சின்னம் அமைக்க பூர்வாங்கப் பணிகள் மேற்கொள்ளப்பட்டுள்ளது.
தியாகி சங்கரலிங்கனார் அவர்களின் தியாகத்தை போற்றும் வகையில் ரூ.77 லட்சம் மதிப்பீட்டில், விருதுநகரில் மணிமண்டபம் அமைக்கப்பட பூர்வாங்கப் பணிகள் மேற்கொள்ளப்பட்டுள்ளது.
கவிமணி தேசிக விநாயகம் பிள்ளை அவர்களுக்கு கன்னியாகுமரி மாவட்டம், சுசீந்திரத்தில் ரூ.10.80 லட்சம் மதிப்பீட்டில் சிலை அமைக்க பணிகள் துவங்கப்பட்டுள்ளது.
சென்னை ஓமந்தூரார் அரசினர் தோட்ட வளாகத்தில் ரூ.63 கோடி மதிப்பீட்டில் புதிய கலையரங்கம் மற்றும் மாநில செய்தி நிலையம் அமைக்க பூர்வாங்கப் பணிகள் மேற்கொள்ளப்பட்டுள்ளது
மாண்புமிகு முதலமைச்சர் அவர்கள் 09.04.2013 அன்று சட்டப் பேரவையில் அறிவித்துள்ளவாறு, வீரபாண்டிய கட்டபொம்மன் அவர்களுக்கு கயத்தாறில் மணிமண்டபம் அமைக்க, பூர்வாங்கப் பணிகள் மேற்கொள்ளப்பட்டுள்ளது.